Ser unha bailarina é un reto para calquera nena, pero aínda máis se es unha vampira como Vampirina. En primeiro lugar, tes que atopar unha academia nocturna. Logo, tes que pescudar como perfeccionar a túa postura cando non te reflictes nos espellos. Despois está o problema de ter que ir vestida de rosa (non é a cor que mellor lle senta aos vampiros). E, ademais, como resistir o impulso de darlle un mordisquiño ás outras bailarinas. Pero sen dúbida, o peor do peor de todo, é o medo escénico!